-----------
كلنا عارفين أن أكتر حاجة بنتعامل معاها فى كليتنا هى
الجهاز الهيكلي و العضلات = skeletal system and skeletal muscle
طب ايه رأيك إن قصص الحب دى متغلغلة جوه عضلاتك نفسها وهي اللى بتخليك تتحرك كمان :o
طب قبل م ندخل ف الحب والفراق عشان المصريين بيموتوا ف النكد -_-
---------
ايه هي أنواع العضلات ؟
والله العضـلات 3 أنواع : ( صورة 3 )

• قلبية ( cardiac muscle )
ودى مخططة ( striated ) ، يعنى تحسها فيها كذا لون كده ، وكمان لا إرادية ( involuntary ) ( احمد ربنا ) ، يعنى مش هتتحكم فيها تشتغل ولا تقف وإلا البنات كانوا عملوها اشتغالة :D وهي طبعا العضلة المكونة للقلب وهنسيبها دلوقتي ونبقى نرجعلها بعدين :D
• ملساء ( smooth muscle ) : زى اللى فوقها لا إرادية برده ، وهى اللى بتكون الجدران بتاع الأوعية الدموية ( blood vessels ) ، والأحشاء ( viscera )
وغيرها .. ودي برده هنبقى نرجعلها :D
• هيكلية ( skeletal ) : ودى العضلات اللى بتيجي فى دماغك أول ما تسمع اسم
عضلة أصلا ، أو تتفرج على مصارعة ، أو حتي تروح الجيم ويقولولك عاش ي وحش -_- -_- -_- ودي إرادية ومخططة كمــان
ومن اسمها كدة
يبقى هتكـون متصلة بالعظام ( bones - skeletal system )
عدد العضلات دى 640 عضلة ( كتيـــــــــــر هتحفظهم كلهم متقلقش ان ش الله :D :D )
العضلات دى متصلة ب العظام زي ما قلنا وهي بتشد العضمة ف اتجاه معين ف تعمل الحركة سواء هتتني دراعك مثلا أو هتفرده
----------------------
كده احنا خلصـنا المقدمة للعضلات ، وهنبدأ فى قصـة الحب بتاعنا :D
بس الحلقة الجاية ي معقدين :p :p
#العضلات_1